نئی دہلی: پولیس کانسٹیبل نے ہریانہ پولیس کے سب انسپکٹر کو گولی مارکر کیا ہلاک

دارالحکومت دہلی میں دہلی پولیس میں تعینات کانسٹیبل نے ہریانہ پولیس میں سب انسپکٹر کے عہدے پر تعینات شخص کو گولی مارکر ہلاک کردیا۔ یہ معاملہ صفدرگنج علاقے میں روپیے کے لین دین میں پیش آیا۔

دہلی کے صفدرگنج علاقے میں روپیے کے لین دین میں دہلی پولیس کے ایک کانسٹیبل نے ایک شخص کو گولی مار کر قتل کردیا ہے۔ جو ہریانہ پولیس محکمہ میں سب انسپکٹر کے عہدے پر تعینات تھا، یہ معاملہ علی الصبح آٹھ بجے کے قریب پیش آیا۔

معاملے کی تصدیق کرتے ہوئے ڈی سی پی گورو شرما نے بتایا کہ مقتول کی پہچان ویریندر کے طور پر ہوئی ہے، وہ روہتک کا رہنے والا تھا۔ اس کے سر میں گولی ماری گئی ہے۔ وہ ہریانہ پولیس میں سب انسپکٹر کے عہدے پر تعینات تھا اور دہلی میں برادر نسبتی کے ساتھ 5-6 دنوں سے رہ رہا تھا۔

بتایا جارہا ہے کہ گولی مارنے والا کانسٹیبل وکرم دہلی پولیس میں تعینات ہے۔ اس کی تعیناتی جنوب مشرقی ضلع کے گریٹر کیلاش تھانے میں ہے۔