ریاست اترا کھنڈ کے ضلع چمولی میں گوچر میلے' کی پانچویں ثقافتی پروگرام کا انعقاد عمل میں آیا۔
پروگرام میں شامل ممبئی سے تعلق رکھنے والے بالی ووڈ سپر اسٹار امیتاب بچن کے ہم شکل ششی کانت بیڑ وال نے 'گوچر میلے'میں 'کون بنے گا کروڑ پتی' کے طرز پر'کون کریگا دھمال' پروگرام میں لوگوں سے سوال و جواب کئے۔
اس پروگرام میں ڈی ایم سواتی بھدوریا نے اپنے شوہر الموڑیا کے ڈی ایم امیت بھدوریا کے ساتھ شرکت کیں۔
انہوں نے' کون کریگا دھمال' پروگرام میں پوچھے گئے کئی سوالوں کا جواب دے کر تقریبا ایک کروڑ روپے بھی جیتے۔
اس پروگرام میں شامل امیت ساگر نے اپنی دلکش آواز سے سامعین کا دل جیت لیا۔
واضح رہے کہ اس گوچر میلے کی پانچویں ثقافتی پروگرام کا افتتاح مہمان خصوصی وزیر برائے سیاحت ستیہ پال سریندر سنگھ نے شمع روشن کر کے کیا، اس موقع پر ان کے ساتھ کئی رہنماؤں نے بھی شر کت کی۔
اس گوچر میلے میں' کون کریگا دھمال' نامی پروگرام میں امیتاب بچن کے ہم شکل ششی کانت نے بگ بی کی آواز اور انداز سے ناظرین کا دل جیت لیا۔
انہوں نے امیتاب بچن کی آواز اور انداز میں پل پل دل کے پاس، رنگ برسے بھیگے چنر والی، چھورا گنگا کنارے والا جیسی کئی سپر ہٹ فلموں کے گانے گائے، مزید انہوں نے امیتاب بچن کی اداکاری پر مبنی فلم ڈان، زنجیر، اور شولے جیسی سوپر ہٹ فلموں کے ڈائیلاگ کی میمکری بھی کی۔
واضح رہے کہ' کون بنے گا کروڑ پتی' کے طرز پر میلے میں' کون کریگا دھمال' پروگرام کا انعقاد عمل میں آیا، اس پروگرام میں ششی کانت نے ہاٹ سیٹ سے کئی سوال پوچھے، صحیح جواب دینے والے لوگوں کو انعام سے نوازا گیا۔
ششی کانت کے علاوہ اس پروگرام میں گلوکار امیت ساگر نے کئی 'گڑھ والی گیت' گا کر سامعین کو محذوذ کیا۔
مزید پڑھیں: راجیہ سبھا کا رابرٹ موگابے کو خراج عقیدت
پروگرام کے اختتام پر ضلع کلکٹر سواتی بھدوریا نے میلہ کمیٹی کی جانب سےتمام فنکاروں کو میمنٹو اور شال پیش کئے۔
