بلند شہر میں سڑک حادثہ، دو افراد کی موت

ضلع بلند شہر کے کھورجا دیہی علاقہ میں ایک سڑک حادثے کی وجہ سے روہندا گاؤں کے دو افراد کی موت ہوگئی ہے۔ دونوں شخص پیر کی شب بائیک سے اپنے گاؤں واپس جا رہے تھے۔

اترپردیش میں ضلع بلند شہر کے کھورجا دیہی علاقہ میں ایک سڑک حادثہ میں دو نوجوانوں کی موت ہوگئی۔

پولیس ذرائع نے بتایا کہ کھورجا دیہات علاقہ کے روہندا گاؤں کے باشندے اظہر خان (35) اور ہرکیش (25) کھورجا نگر میں سیٹنگ کا کام کرتے ہیں۔ پیر کی شب بائیک سے اپنے گاؤں واپس جا رہے تھے کہ روہندا گاؤں کے نزدیک شاہراہ پر تیز رفتار کنٹینر نے دونوں کو کچل دیا۔

موقع پر پہنچی پولیس نے مقامی لوگوں کی مدد سے دونوں کو علاج کے لیے اسپتال میں داخل کرایا جہاں ان کی موت ہوگئی۔

حادثہ کے بعد ڈرائیور کنٹینر کو جائے حادثہ پر چھوڑ کر فرار ہوگیا جس کی تلاش جاری ہے۔

(یو این آئی)