مدھیہ پردیش: سڑک حادثہ میں تین مزدور ہلاک

مزدور پیڑ کی بلیاں کٹواکر پیپر مل لے جارہے تھے۔ ٹریکٹر خراب ہوا تو تینوں مزدور سڑک کے کنارے ٹریکٹر کے نیچے سو گئے اور اسی دوران یہ حادثہ پیش آیا۔

مدھیہ پردیش کے شہڈول ضلع کے املائی تھانہ علاقہ میں بٹورا گاؤں کے قریب آج صبح سویرے سڑک کے کنارے کھڑے ٹریکٹر میں ٹکر مارنے سے 3 مزدوروں کی موت ہوگئی۔

املائی پولیس کے مطابق ہلاک ہونے والوں میں خماہیڈول گاؤں کے رہائشی جیون داس مہرہ (22)، بھروسہ پلیہا (45) اور مکیش پاؤ (25) شامل ہیں، جو پیڑ کی بلیاں کٹواکر پیپر مل لے جارہے تھے۔

ٹریکٹر خراب ہوا تو تینوں مزدور سڑک پر کھڑے ہوکر اس کے نیچے سو گئے اور اسی دوران یہ حادثہ پیش آیا۔

تینوں کی لاشوں کو پوسٹ مارٹم کے لئے بوڈھر اسپتال بھیج دیا گیا ہے۔

(یو این آئی)