'سادھوی پرگیہ کو علاج کی ضرورت'

بھوپال سے بی جے پی کی رکن پارلیمان سادھوی پرگیہ سنگھ کے متنازع بیان پر کانگریس کی ترجمان شوبھا اوجھا نے رد عمل ظاہر کیا ہے۔

ریاست مدھیہ پردیش کے دارالحکومت بھوپال میں واقع بی جے پی کے دفتر میں خراج تحسین پیش کرتے ہوئے رکن پارلیمان سادھوی پرگیہ سنگھ نے متنازع بیان دیا کہ 'پارٹی کے رہنماؤں کی اموات اس طرف اشارہ کرتی ہیں کہ حزب اختلاف کی جماعتیں مہلک طاقتوں کا استعمال کر رہی ہیں۔'

دراصل بھوپال کے بی جے پی آفس میں پیر کے روز سابق وزیراعلی بابولال گور اور سابق وزیر خزانہ ارون جیٹلی کو خراج تحسین پیش کرنے کے لیے پروگرام کا اہتمام کیا گیا جہاں انہوں نے کانگریس پر متنازع بیان دیا۔

انہوں نے کہا کہ 'بھارتیہ جنتا پارٹی کے رہنماؤں کی اموات اس طرف اشارہ کرتی ہیں کہ اپوزیشن جماعتیں مہلک طاقتوں کا استعمال کر رہی ہیں۔'
جبکہ سادھوی پرگیہ کے اس بیان کے بعد پارٹی کے تمام رہنما اس کنارے کرتے ہوئے نظر آئے۔'

تو دوسری جانب سادھوی کے اس بیان پر کانگریس کی ترجمان شوبھا اوجھا نے کہا کہ' جس طرح کا الزام سادھوی نے کانگریس پر لگایا ہے اس سے صاف ہو جاتا ہے کہ انہوں نے اپنا دماغی توازن کھو دیا ہے اور انہیں علاج کی ضرورت ہے'۔