بھارتی کسان سنگھ کا یک روزہ دھرنا

بھارتی ریاست مدھیہ پردیش کے دارالحکومت بھوپال میں بھارتی کسان سنگھ نے اپنے مطالبات کو لے کر احتجاج کیا۔

اس موقع پر ان کسانوں کا کہنا ہے کہ کانگریس حکومت نے دس دن میں قرض معافی کی بات کہی تھی پر کانگریس حکومت کو اب دس مہینے پورے ہوچکے ہیں لیکن ابھی تک کسی کسان کا قرض معاف نہیں کیا گیا ہے۔ ساتھ ہی کسانوں کا حکومت سے مطالبہ ہے کہ اس سال زیادہ بارش سے زیادہ تر کسانوں کی فصل برباد ہو چکی ہے۔

حکومت کسانوں کی برباد فصلوں کا سروے کر ان کو ان کی فصل کا معاوضہ دے۔ بھوپال کے امبیدکر میدان میں چل رہے اس احتجاج میں پورے صوبے سے بڑی تعداد میں کسانوں نے شرکت کی اور کہا اگر حکومت ہمارے مطالبات کو نہیں مانتی ہے تو اب ہم ضلعی سطح پر احتجاج کریں گے۔