میمورنڈم کے ذریعہ کمیٹی نے سبھی مذاہب کی عبادت گاہوں کو کھولنے اور عیدالاضحیٰ کے تہوار پر قربانی کے جانوروں کے لیے بندوبست کرنے کا مطالبہ کیا۔
ریاست کا منی ممبئی کہے جانے والا صنعتی شہر اب کورونا کا مرکز بن گیا ہے۔ اس سے تحفظ کے لیے انتظامیہ اور صحت عملے نے سبھی عبادت گاہوں میں تین مہینے سے پابندی عائد کر رکھی ہے۔
اندور میں عبادت گاہوں کو کھولنے کی اجازت دینے کا مطالبہ
اب جب لاک ڈاون میں نرمی برتنے کے بعد جہاں بازار گلزار ہو رہا ہے اور معاشی سرگرمیاں بھی شروع ہو گئی ہیں۔ ایسے میں تنظیم مسلم نمائندہ کمیٹی نے کلکٹر کے نام ایک میمورنڈم دیا جس میں مطالبہ کیا گیا کہ سبھی مذاہب کی عبادت گاہوں کوکھولنے کی اجازت دی جائے۔ ساتھ ہی عیدالاضحی کا تہوار عنقریب ہے لہذا قربانی کے جانوروں کی خرید و فروخت کے لئے معقول بندوبست کیا جائے تاکہ آخری وقت میں دشواری نہ پیدا ہو سکے۔