مدھیہ پردیش اردو اکیڈمی کے ذریعہ جن 6 شخصیات کی تحقیقات پر قومی ایوارڈ دینے کا اعلان کیا گیا اور ممتاز ادیب و محقق مہتاب عالم کی کتاب تہذیب پر ابراہیم یوسف اعزاز، وفا صدیقی کی کتاب نقش تابندہ کے لیے میر تقی میر اعزاز، ڈاکٹر سیفی سرونجی کو انتساب کی خدمات کے لیے حکیم قمر الحسن اعزاز، ڈاکٹر خالد محمود کی کتاب نقوش معنی کو جوہر قریشی، ڈاکٹر محمد نعمان خان کی کتاب فلسفۂ حیات کو شاداں اندوری اعزاز اور ڈاکٹر عشرت ناہید اجین کی کتاب منزل بے نشاں کو حامد سعید خان قومی اعزاز دینے کا اعلان کیا گیا ہے۔
وہی صوبائی ایوارڈ میں جن ادیب اور شاعر کو اعزاز دیا جارہا ہے ان میں کوثر صدیقی، قاسم رضا، ڈاکٹر رضیہ حامد، ضیاء فاروقی، کمل راجپوت، اقبال مسعود، ڈاکٹر محمود شیخ، نفیسہ سلطان، جاوید یزدانی، صبیحہ صدف، ڈاکٹر عارف انصاری اور کوثر فرزانہ کو صوبائی اوارڈ سے نوازا جائے گا۔ مدھیہ پردیش اردو اکیڈمی کی ڈائریکٹر نصرت مہدی نے ای ٹی وی بھارت اردو کو بتایا کہ مدھیہ پردیش اردو اکیڈمی محکمۂ ثقافت نے یہ فیصلہ کیا کہ اگر تین سال بعد ایوارڈ شروع کیے جا رہے ہیں تو اس کا ایک نیا فارمیٹ ہو اور تحقیق کاروں کے ذریعے جو کتابیں لکھی جا رہی ہے ان پر ایوارڈ دیا جائے- تو اس بار کے ایوارڈ کتابوں پر ہی دیے جارہے ہے- اس میں چھ کل ہند ایوارڈ اور 12 صوبائی اعزاز شامل ہیں 28 مارچ کو شام پانچ بجے بھوپال اسٹیٹس میوزیم میں اعزاز تقریب کا انعقاد کیا جائے گا-