ذرائع کے مطابق اندور شہر اب اس انفیکشن کا مرکز بنتا جارہا ہے۔ اب تک اندور میں 30 متاثرہ مریضوں کی موت ہوچکی ہے۔
ریاست کے دیگر اضلاع میں بھی یہ وبا دستک دے رہا ہے۔ ریاستی کانگریس پارٹی نے برسراقتدار حکومت پر الزام عائد کیا ہے کہ مدھیہ پردیش میں جس رفتار سے میڈیکل ٹیسٹ کروانا چاہئے تھا وہ نہیں کیا گیا، جس کی وجہ سے انفیکشن کا خطرہ بڑھتا جارہا ہے۔
کانگریس کے ترجمان اجے سنگھ یادو کا کہنا کہ حکومت مکمل طور پر ناکام ثابت ہورہی ہے۔ یہی وجہ ہے کہ مدھیہ پردیش میں یہ انفیکشن مسلسل پھیل رہا ہے اور مریضوں کی تعداد روزانہ بڑھتی جارہی ہے۔
مدھیہ پردیش کی صورت حال دن بدن خراب ہوتی جارہی ہے۔ اندور میں کورونا وائرس کے تعلق سے سینٹرل ریپڈ رسپانس نے انکشاف کیا کہ کورونا سے متعلق لیب کی رپورٹ میں تاخیر ہوئی ہے انہوں نے کہا کہ لاک ڈاؤن سے 15 دن قبل اندور میں وائرس آگیا تھا۔