'دگ وجے سنگھ ہندو سماج کو بدنام کر رہے ہیں'

ریاست مدھیہ پردیش کے دارالحکومت بھوپال میں 17 ستمبر کو سنت سماگم منعقد ہوا تھا۔ اس پروگرام میں دگ وجےسنگھ نے ایک بار پھر بھارتیہ جنتا پارٹی پر تنقید کی۔

دگ وجے کے نشانے پر ایک بار پھر بھگوا اور بھاجپا تھی۔ انھوں نے الزام لگایا کہ مندروں کے پیچھے بھگوا کپڑے پہن کر ریپ کے واقعات ہو رہے ہیں۔ بھگوا کپڑے پہن کر لوگ چورن بیچ رہے ہیں۔'

انہوں نے کہا کہ 'ان کے سناتن دھرم کو بدنام کیا جا رہا ہے۔'

دگ وجے سنگھ نے بغیر کسی کا نام لیے کہا کہ 'ملک بھر میں مٹھ مندروں کو سیاست کا اڈہ بنانے کی کوشش ہو رہی ہے۔ اس کے خلاف لڑائی لڑنی ہوگی۔'

ان کے اس بیان کے بعد بھارتیہ جنتا پارٹی میں ناراض دیکھی گئی۔ دگ وجے سنگھ کے بیان پر بھارتیہ جنتا پارٹی کے رکن اسمبلی وشواس سارنگ نے کہا کہ 'دگ وجے سنگھ ہندو سماج اور بھگوا کو بدنام کرنے کی کوشش کر رہے ہیں۔'

اس واقعے کے بعد بھوپال کے کئی علاقوں میں راتوں رات مندروں کے باہر دگ وجے سنگھ کے لئے مندروں کے دروازے بند ہو کہ بینر اور پوسٹ لگا دیے گئے۔'

وہیں کانگریس حکومت کے وزیر گووند سنگھ دگ وجے سنگھ کی حمایت میں آئے اور کہا دگ وجے سنگھ سے بڑا مذہبی اور ریتی ریواج ماننے والا شخص کوئی نہیں ہے۔ جبکہ بھارتیہ جنتا پارٹی اور آر ایس ایس کے لو گ بھگوا پھن کر ایسے کام کر رہے ہے جس سے ہندو مذہب بدنام ہو رہا ہے۔