شیو پوری: سرکاری ہسپتال میں خاتون اور دو نوزائیدہ بچوں کی موت

مدھیہ پردیش کے ضلع شیو پوری کے اسپتال میں زچگی کے دوران ایک خاتون اور اس کے دو نوزائیدہ جڑواں بچوں کی موت ہو گئی۔

ہسپتال انتظامیہ کے مطابق 24 سالہ خاتون کی زچگی آپریشن کے ذریعہ کل کرائی گئی تھی۔آپریشن سے جڑواں بچے ہوئے،جو مردہ پائے گئے۔اس کے کچھ ہی دیر بعد خاتون نے بھی دم توڑ دیا۔

خاتون کا آپریشن کرنے والی خاتون ڈاکٹر مونا گپتا نے پریس کے نمائندوں سے بتایا کہ خاتون سنیچر سے ہسپتال میں تھی۔ اس کے اہل خانہ نارمل ڈیلیوری کے لئے بضد تھے،جبکہ خاتون کمزور تھی،اس لئے اسے گوالیار لے جانے کی صلاح دی گئی۔اس کے باوجود اہل خانہ نے یہیں زچگی کے لئے کہا۔ان کا کہنا ہے کہ جب آپریشن کیا گیا تو دونوں بچوں کی موت ہو چکی تھی اور بعد میں خاتون کی بھی موت ہو گئیخاتون ڈاکٹر کے مطابق اسپتال انتظامیہ کی طرف سے کوئی لاپرواہی نہیں برتی گئی۔