بھوپال میں کورونا کے 61 نئے کیسز

مدھیہ پردیش کے دارالحکومت بھوپال میں آج کورونا انفکشن کے 61 نئے معاملے سامنے آئے جس کے بعد یہاں متاثرین کی تعداد بڑھ کر1630سے زیادہ ہوگئی ہے۔

سرکاری ذرائع کے مطابق ضلع میں صبح 61 معاملوں میں سب سے زیادہ 15ہنومان گنج علاقہ میں آئے۔اس کے علاوہ ٹی ٹی نگر میں چھ اور گووندپورہ میں آٹھ متاثر ملے۔سبھی کواسپتال میں داخل کرادیاگیاہے۔ضلع بھوپال میں کَل تک کورونا انفکشن کے 1572 کیسز تھے،جو آج بڑھ کر1633 ہوگئے۔

بھوپال میں تقریباً 1100 مریض شفایاب ہوکر گھر جاچکے ہیں۔اس طرح ایکٹیو کیس کی تعداد تقریباً پانچ سو ہے۔

وہیں کل ریاستی محکمہ صحت کی جانب سے موصول ہوئی رپورٹ کے مطابق پوری ریاست میں کورونا متاثرین کی تعداد 8420 ہوگئی، جبکہ 364 ہلاک اور 5221 صحت یاب ہوئے ہیں۔تاحال 2835 افراد متاثر ہیں۔