چیف میڈیکل اینڈ ہیلتھ افسر ڈاکٹر پربھاکر تیواری نے بتایا کہ گزشتہ رات موصول رپورٹ میں 54 کورونا کے نئے مریض ملے ہیں، ان کی ان کانٹیکٹ ہسٹری نکالی جارہی ہے۔
تمام کورونا (کووڈ۔19) متاثرین کو اسپتال میں داخل کرایا گیا ہے، اور یہ معلوم کرنے کی کوشش کی جا رہی ہے کہ ان کے رابطے میں اب تک کون کون لوگ آئے ہیں۔
وہیں ان کے علاقے کو ایک ایپک سنٹر اعلان کرکے ایک کلومیٹر علاقہ کو کنٹینمنٹ والا علاقہ اعلان کیا گیا ہے، بھوپال میں آج تک مجموعی طورپر 842 کورونا مثبت مریض مل چکے ہیں، جن میں سے اب تک 35 کی موت ہوچکی ہے۔
کل چرایو اسپتال سے 39 لوگ کورونا صحتیاب ہوکر اسپتال سے فارغ ہو گئے ہیں، ان میں چار لوگ رائے سین کے ہیں، اب تک بھوپال میں 517 کورونا متاثرین مکمل طورپر صحت یاب ہوچکے ہیں۔