کرناٹک کے دورے پر آئے اجمیر شریف کی درگاہ خواجہ غریب نوازؒ کے خادم سید سرور چشتی نے آج امیر شریعت مولانا صغیر احمد رشادی سے دارالعلوم سبیل الرشاد پہنچ کر ان سے ملاقات کی اور ملت میں اتحاد و اتفاق سمیت متعدد امور پر گفتگو کی۔
اس موقع پر امیر شریعت کرناٹک مولانا صغیر احمد رشادی نے ملت میں اتحاد کی اہمیت پر زور دیا اور راعتماد لہجے میں کہا کہ ملک و جمہوریت مخالف طاقتوں کی سازشیں ناکام ہوں گی۔
اس موقع پر سید سرور چشتی نے بتایا کہ ملک میں موجودہ صورتحال کے پیش نظر مسلمانوں کو چاہیے کہ کلمہ کی بنیاد پر متحد ہو کر ملت کے مسائل کو حل کریں۔
یہ بھی پڑھیں: گلبرگہ میں زمین مافیاؤں کے خلاف قانونی کارروائی کا مطالبہ
واضح رہے کہ درگاہ حضرت خواجہ غریب نواز اجمیری کے سجادہ نشین و خادم سید سرور چشتی کرناٹک کے دورے پر ہیں۔ اس ضمن میں انہوں نے بنگلورو کے اجلاس میں 'جماعت صوفیہ ہند' نامی تنظیم کی بنا ڈالی۔ اس کے تحت وہ ملک بھر کے صوفیہ، مشائخ و خوانقاہوں کو جوڑنا چاہتے ہیں۔ تاکہ مرکزی حکومت کی جانب سے بنائے گئے سی اے اے، این آر سی و دیگر متنازع قوانین کے خلاف جد و جہد جاری رکھی جاسکے۔
