کرناٹک: کانگریس اقلیتی ونگ کی جانب سے راشن کٹس تقسیم

عالمی وبا کورونا وائرس کی روک تھام کے لیے جاری لاک ڈاؤن کے دوران کرناٹک کانگریس اقلیتی ونگ کی جانب سے راشن کٹ تقسیم کیا گیا۔

کانگریس پارٹی کے اقلیتی ونگ کی جانب سے آج دسویں مرحلے میں غریبوں اور ضرورت مندوں میں تقریباً ایک ہزار راشن کٹس تقسیم کئے گئے۔

اس موقع پر منعقدہ پروگرام میں سابق ریاستی وزیر اور نومنتخب کرناٹک پردیش کانگریس کمیٹی کے صدر ڈی کے شیو کمار نے مہمان خصوصی کے طور پر شرکت کی اور اپنے ہاتھوں سے مستحقین کو راشن کٹس تقسیم کئے۔

اس موقع پر کانگریس پارٹی کے رہنما نے بتایا کہ بی جے پی کی اقتدار والی حکومت نے صرف وعدے کئے ہیں اور ان وعدوں کا حقیقت سے کوئی تعلق نہیں۔