یادگیر: گاندھی جی کی برسی کے موقع پر صفائی مہم

گاندھی جی کی 73 ویں برسی کے موقع پر ضلع یادگیر میں چندرشیکھر ڈگری کالج کے طلباء وطالبات نے اپنے کالج اور اطراف و اکناف کی صفائی کی۔

کرناٹک کے ضلع یادگیر میں گاندھی جی کی 73 ویں برسی کے موقع پر شہر بھر میں مختلف پروگرام منعقد کئے جا رہے ہیں۔ وہیں، طلبہ و طالبات نے بھی گاندھی جی کی برسی کے موقع پر لوگوں کو اپنے گھروں کے ساتھ ساتھ آس پاس کے ماحول کو صاف ستھر رکھنے کی اپیل کرتے ہوئے کالج کیمپس اور اطراف و اکناف کی صفائی کی۔

اس موقع پر ضلع یادگیر کے چندرشیکھر ڈگری کالج کے طلبہ و طالبات نے بتایا کہ ’’جس طرح ہم اپنے گھروں میں صاف صفائی کا خیال رکھتے ہیں، اپنے جسم اور کپڑوں کی صفائی کا خیال رکھتے ہیں، اسی طرح ہمیں اپنے علاقے کے اطراف و اکناف کی صفائی کا بھی خیال رکھنا چاہئے۔‘‘

انہوں نے کہا کہ گاندھی جی کی برسی کے موقع پر انہوں نے ’’سوچھ بھارت‘‘ مہم کے تحت صفائی مہم کی شروعات کی ہے تاکہ دیگر افراد کو بھی صفائی کی تلقین ہو۔

طلباء نے مزید کہا کہ ’’اگر ہم صفائی کا خیال نہیں رکھیں گے تو ہماری صحت پر منفی اثرات مرتب ہوں گے۔‘‘