یادگیر: بارش کے پیش نظر ضلع انتظامیہ کی ہدایت

ڈپٹی کمشنر نے کہا کہ یادگیر ضلع کے کئی علاقے ایسے ہیں جو سیلاب سے متاثر ہوتے رہے ہیں۔ عہدیداروں کو چاہیے کرشنا اور بھیما ندیوں میں پانی کی تازہ صورتحال کی جانکاری روزانہ کی بنیاد پر رکھیں۔

ریاست کرناٹک کے ضلع یادگیر کے ڈپٹی کمشنر ڈاکٹر راگاپریا نے بسوا ساگر آبی ذخائر نارائن پورہ ہنسگی تعلقہ کی موجودہ صورتحال پر عہدیداروں سے بات چیت کی۔

انہوں نے کہا کہ بارش شروع ہو چکی ہے اس لیے بھیما ندی کے کنارے واقع گاؤں کے لوگوں کو سیلاب سے محفوظ رکھنے کے لیے قبل از وقت انتظامات کیے جائیں۔

کسی بھی وقت ان گاؤں کو سلابی صورت حال کا سامنا کرنا پڑ سکتا ہے۔ اس لیے تیاری گزشتہ برس کے سیلاب سے متاثر ہوئے گاؤں کا ریکارڈ دیکھتے ہوئے کیا جائے۔

یادگیر ضلع کے کئی علاقے ایسے ہیں جو سیلاب سے متاثر ہوتے رہے ہیں۔ عہدیداروں کو چاہیے کرشنا اور بھیما ندیوں میں پانی کی تازہ صورتحال کی جانکاری روزانہ کی بنیاد پر رکھیں۔

ڈپٹی کمشنر نے مزید کہا کہ اگر گاؤں کے لوگوں کو محفوظ مقامات پر منتقل کرنے کے حالات درپیش ہوں گے تو ضلع انتظامیہ لوگوں کی منتقلی کے لیے اقدامات کو یقینی بنائے گا۔ انہوں نے کہا کہ ہنگامی صورت حال میں لوگوں کی مدد کے لیے مرکز قائم کیے جائیں گے۔