یاد گیر میں کورونا کی روک تھام کے لیے سروے

ریاست کرناٹک کے ضلع یادگیر میں کورونا وائرس کی روک تھام اور اس کے خطرات سے بچنے کے لیے حکومت کی جانب سے سروے کر کے عوام کی صحت کا جائزہ لیا جا رہا ہے۔

ضلع بھر میں آنگن واڑی، آشا ورکرز اور دیگر سرکاری ملازمین کی ٹیم بنائی گئی ہیں جو علاقے کے ہر گھر میں جا کر سروے کررہی ہیں، اس ٹیم میں محکمہ صحت کے ذمہ دار بھی شامل ہیں۔

ہر وارڈ کے لئے چار افراد پر مشتمل ایک ٹیم بھی بنائی گئی ہے جس میں محکمہ صحت کے ذمہ داران کی نگرانی میں یہ ٹیم سبھی گھروں سروے کر رہی ہیں اور ذباطیس، تب دق، حاملہ خواتین، ہائی بلڈ پریشر، دل کے مریض، بخار، کھانسی، زکام، سانس کی شکایت میں مبتلا مریضوں کی نشاندہی کی جا رہی ہے۔