ریاست کرناٹک میں 11 اگست کو ہونے والے تشدد کی تحقیقات کرنے والی بنگلور پولیس نے یو اے پی اے کے تحت 61 ملزمین کے خلاف مقدمہ درج کیا ہے جبکہ تشدد کے معاملے میں 400 سے زیادہ افراد کو گرفتار کیا جا چکا ہے۔
ڈی جے ہلی کے تشدد کے دوران مشتعل ہجوم نے کانگریس کے رکن اسمبلی کے گھر سمیت متعدد گاڑیاں اور دو پولیس اسٹیشنوں کو آگ کے حوالے کردی تھی۔
واضح رہے کہ کانگریس کے رکن اسمبلی اکھنڈا سرینیواس مورتی کے بھانجے نوین نے مبینہ طور پر فیس بک پر ایک اشتعال انگیز پوسٹ کیا تھا جس کے نتیجے میں ایک بڑا ہجوم مشتعل ہوا اور ڈی جے ہلی پولیس اسٹیشن کو نذر آتش کردیا۔
تشدد کی مجسٹیریل جانچ کے دوران کئی مسلم نوجوانوں کو شک کی بنیاد پر پولیس نے ڈی جے ہلی اور کے جی ہلی علاقوں سے حراست میں لیا ہے۔