یوم جمہوری کے موقع پرخصوصی پروگرام

رامپور کے ریزرو پولیس لائن میں شہر کے تمام چھوٹے بڑے اسکولوں کے طلبہ و طالبات نے اپنے ثقافتی پروگرام پیش کرکے حب الوطنی کا پیغام دیا۔ اس موقع پر ضلع کے تمام اعلیٰ افسران کے ساتھ ہی بڑی تعداد میں عوام نے شرکت کی۔

پورے بھارت سمیت اترپردیش کے شہر رامپور میں بھی یوم جمہوریہ کا بڑے تزک و احتشام کے ساتھ منایا گیا۔

رامپور کے ریزرو پولیس لائن میں شہر کے تمام چھوٹے بڑے اسکولوں کے طلبا و طالبات نے اپنے ثقافتی پروگرام پیش کرکے حب الوطنی کا پیغام دیا۔ اس موقع پر ضلع کے تمام اعلیٰ افسران کے ساتھ ہی بڑی تعداد میں عوام نے شرکت کی۔

ملک بھر میں 71 ویں یوم جمہوریہ کا بڑے جوش و خروش کے ساتھ اہتمام کیا گیا۔ اس موقع پر جہاں ملک کے الگ الگ خطوں میں مختلف قسم کی تقریبات کا اہتمام کیا گیا وہیں رامپور کی پولیس لائن کے وسیع تر میدان میں شہر کے تمام چھوٹے بڑے اسکولوں کے طلبا و طالبات نے کلچرل پروگرام پیش کرکے حب الوطنی کا پیغام دیا۔

اس موقع پر اسکولی بچوں نے ایک سے بڑھ کر ایک پروگرام پیش کرکے اپنی بہترین صلاحیتوں کا مظاہرہ کیا۔

بہترین کارکردگی پیش کرنے والے طلبا و طالبات کو ایس پی سنتوش کمار مشرا نے انعامات سے بھی نوازا۔