بریلی میں اسکول سے بچّے جب واپس گھر لوٹ رہے تھے اس وقت تاریکی چھائی ہوئی تھی۔ گاڑیوں کے مالکان کو سڑک پر چلنے کے لئے اپنی گاڑیوں کی لائٹ کو آن کرنا پڑا۔ یہ نظارہ تقرباً ایک گھنٹے تک رہا۔ اس کے بعد تیز بارش ہوئی اور بارش کے ساتھ اندھیرا چھٹنے لگا اور آسمان صاف ہو گیا۔
دکانداروں اور شوروم مالکان نے بھی اپنی ساری لائٹس آن کر دیں۔ تقریباً ایک گھنٹے تک لوگ 'بلیک آؤٹ' کے سائے میں سڑکوں پر چلتے رہے۔ اُس کے بعد تیز اور سرد ہواؤں کے ساتھ سڑک پر چلنا مشکل ہو گیا اور ہورڈنگ بینر ہوا میں اُڑنے لگے۔ پھر موسلادھار بارش نے لوگوں کو سایہ دار ٹھکانوں کے نیچے ٹھہرنے پر مجبور کر دیا۔
جیسے جیسے تیز ہواؤں کے ساتھ بارش کی سرد بوندیں کرتی گئیں، آسمان سے کالی بدلی اور تاریکی چھٹنے لگی۔ آہستہ آہستہ آسمان صاف ہو گیا اور بارش تھمنے کے ساتھ ہی اندھیرا کافور ہو گیا۔ تاہم موسم میں سردی کا احساس ہونے لگا ہے، جبکہ آج سورج کی گرمی کہیں غائب تھی۔