کورونا کی دوسری ہولناک لہر میں کورونا کی چین کو توڑنے کے لئے ریاستی سطح پر گذشتہ 40 روز سے کورونا کرفیو جاری تھا جو کورونا معاملوں میں آئی کافی کمی کو دیکھتے ہوئے یکم جون سے کچھ شرائط کے ساتھ انلاک کر دیا گیا ہے۔ انلاک ہونے سے بازاروں میں ایک مرتبہ پھر رونق لوٹتی دکھائی دے رہی ہے۔
جامع مسجد رامپور کے ارد گرد واقع مشہور شاداب مارکیٹ پہنچ کر ہم نے تاجروں اور خریداروں سے بات کرکے ان احساسات کو سنا۔ ای ٹی وی بھارت سے بات چیت کے دوران جہاں تاجروں نے بازار کھلنے پر اپنی خوشی کا اظہار کیا تو وہیں انہوں نے کورونا کرفیو کے دوران ہوئے نقصانات کا بھی ذکر کیا۔
وہیں اس موقع پر خریداروں نے ہم سے بات کرتے ہوئے کہا کہ وہ کافی مدت کے بعد بازار میں خریداری کرنے پہنچے ہیں اور وہیں ان کو کورونا کی تیسری لہر کا ڈر بھی ستا رہا ہے۔