ریاست اترپردیش کے بریلی میں کاشتکاروں کی حمایت میں کانگریس پارٹی نے احتجاجی مظاہرہ کیا ہے۔ شہر کمیٹی کے تمام عہدے داران نے کلکٹریٹ پہنچ کر ایک یاد داشت ضلع افسران کے سپرد کیا۔
زرعی قانون کے خلاف بریلی میں کانگریس کا احتجاج
زرعی قوانین کے خلاف بریلی میں کانگریس کا احتجاج
متنازع زرعی قوانین کے خلاف دہلی کے بعد بریلی میں بھی احتجاجی مظاہرہ ہوا ہے، کانگریس پارٹی کے عہدے داران اور کارکنان نے ضلع کلکٹریٹ ہیڈ کوارٹر پر پہنچ کر احتجاجی مظاہرہ کیا۔ پارٹی عہدے داران نے کاشتکاروں کے حق میں آواز بلند کرتے ہوئے اس بل کو واپس لینے کا مطالبہ کیا ہے۔
زرعی قوانین کے خلاف بریلی میں کانگریس کا احتجاج
یاد داشت کے ذریعے صدر جمہوریہ کو مخاطب کرتے ہوئے مطالبہ کیا ہے کہ اس متنازع بل کو واپس لیا جانا چاہیے، یاد داشت میں واضح طور پر کہا گیا ہے کہ کاشتکارون کو 'انیہ داتا' کہا جاتا ہے۔ اُس کی روزی روٹی کا ذریعہ اُس کی فصل ہے، جسے فروخت کرنے کے بعد ہی اُس کے گھر میں چولہا جلتا ہے، اب کاشتکاروں کی فصل کی قیمت بھی کارپوریٹ گھرانوں کے حساب سے طے ہوگی۔
کانگریس کے ترجمان راج شرما نے کہا کہ مرکزی حکومت نے اقتدار میں آنے سے قبل دعویٰ کیا تھا کہ ملک میں ہر طبقہ کی خوشحالی کے لیے کام کیا جائےگا۔ لیکن اچّھے دن کا وعدہ کرنے والی حکومت میں دن بد سے بدتر ہوتے جا رہے ہیں، تمام سرکاری مشینری کو پرائیویٹ ہاتھوں کے سپرد کرنے کی مرکزی حکومت کی پالیسی عوام مخالف ہے، کسان مخالف ہے، کانگریس پارٹی اس متنازع زرعی بل کی پر زور مذمت کرتی ہے۔