اوڑی: آوارہ جانوروں سے لوگ پریشان

شمالی کشمیر کے بارہ مولہ سے اوڑی نیشنل ہائی وے پر آوارہ جانوروں کے سڑک پر گھومنے سے راہ گیروں کو مشکلات کا سامنا کرنا پڑرہا ہے جبکہ مہرہ، چندن واڑی، شیریں، نوشہرہ، گھنٹہ ملا و دیگر علاقوں میں بھی آوارہ جانوروں کی وجہ سے مشکلات پیش آرہی ہیں۔

اوڑی میں آوارہ جانوروں کی وجہ سے دکانداروں، راہ گیروں، ڈرائیوروں، اور مسافرین کو آئے دن پریشانیوں کا سامنا کرنا پڑرہا ہے۔ بارامولہ اوڑی نیشنل ہائی وے ہے جبکہ یہاں سے پاکستان کے مظفرآباد کےلیے بھی راستہ ہے۔ اس شاہراہ پر آوارہ جانوروں کے گھومنے سے آئے دن سڑک حادثات پیش آرہے یں جس سے بڑی تعداد میں جان و مال کا نقصان ہورہا ہے اور ان آوارہ جانوروں کی وجہ سے ہائی وے پر ٹریفک جام بھی رہتا ہے۔

ایک راہگیر فردوس احمد نے اے ٹی وی بھارت سے بات کرتے ہوئے کہا یہ اس اہم ترین شاہراہ پر آئے دن آوارہ جانوروں کی وجہ سے سڑک حادثات ہوتے ہیں۔ انہوں نے حکومت سے جانوروں کے مالکان کے خلاف سخت کاروائی کرنے کا مطالبہ کیا۔

واضح رہے قبل ازیں ہائی وے کے ارد گرد گھاس ہوا کرتی تھی تاہم اب ناجائز قبضوں کی وجہ سے جانوروں کو چرنے کےلیے مجبوراً سڑک پر آنا پڑ رہا ہے۔