اوڑی: کنچن سلام آباد پینے کے صاف پانی سے محروم

شمالی کشمیر کے ضلع بارہمولہ کے سرحدی قصبہ بونيار کے کنچن سلام آباد علاقہ میں پچھلے پندرہ برسوں سے پینے کا صاف پانی نہ ہونے کی وجہ سے عوام کو مشکلات سے دوچار ہونا پڑا۔

سرحدی علاقہ اوڑی کے قصبے بونيار کے کنچن اسلام آباد علاقہ میں لوگ پینے کے صاف پانی نہ ہونے کی وجہ سے کافی پریشان ہیں۔
مقامی لوگوں کے مطابق ان کے گاؤں میں 15 برسوں سے پینے کا صاف پانی مہیا نہیں ہے، جس کی وجہ سے مقامی لوگوں کو ندی نالو سے مجبوراً آلودہ پانی پینا پڑتا ہے۔

مقامہ لوگوں کے مطابق انہوں نے کئی بار محکمہ جل شکتی سے اس بارے میں آگاہ کیا تاہم آج تک محکہ ان کے علاقہ میں صاف پانی فراہم نہیں کر سکا۔

ایک مقامی شخص نے ای ٹی وی بھارت سے بات کرتے ہوئے کہا کہ 'علاقہ میں 15 برسوں سے محکمہ جل شکتی نے صاف پانی فراہم نہیں کیا اور نہ ہی یہاں پر کوئی محکمہ کا ملازم ڈیوٹی پر آتا ہے۔ انہوں نے انتظامیہ سے ان کے علاقے کی مشکلات کو دور کرنے کی اپیل کی۔