سوپور: نیشنل کانفرنس کی جانب سے کنونشن کا انعقاد

شمالی کشمیر میں ضلع بارہمولہ کے سوپور قصبے میں نیشنل کانفرنس کی جانب سے ایک اجلاس منعقد کیا گیا جس میں پارٹی کے سینئر لیڈران سمیت کثیر تعداد میں کارکنوں نے شرکت کی۔

اس موقعے پر نیشنل کانفرنس کے سینئر لیڈر اور سابق وزیر ناصر اسلم وانی نے ذرائع ابلاغ کے نمائندوں سے بات کرتے ہوئے کہا کہ ’’ریاست میں گزشتہ برس سے مسلسل گورنر دور کے بعد صدر راج قائم ہے اور سیاسی رہنمائوں سمیت عوام کی بھی مانگ ہے کہ ریاست میں جلد سے جلد اسمبلی انتخابات منعقد کئے جائیں۔‘‘

وانی نے مزید کہا کہ ’’سوپور قصبے میں کافی مدت کے بعد لوگوں میں جوش و خروش دیکھنے کو ملا۔‘‘

اجلاس میں نیشنل کانفرنس کے سینئر رہنمائوں اور پارٹی کارکنان کے علاوہ مقامی باشندوں نے بھی حصہ لیا۔