Baramulla Encounter Update: بارہمولہ انکاؤنٹر سائٹ پر والد کی بیٹے سے ہتھیار ڈالنے کی اپیل

بارہمولہ میں جاری تصادم میں ایک والد اپنے بیٹے سے ہتھیار ڈالنے کی اپیل کر رہا ہے۔ اس تصادم میں لشکر طیبہ کا کمنڈر یوسف کانترو اور اُس کا ایک ساتھی ہلاک ہوا ہے۔ تصادم میں 5 سکیورٹی اہلکار بھی زخمی ہوئے ہیں۔

بارہمولہ:شمالی ضلع بارہمولہ کے مالوا علاقے میں سیکورٹی فورسز اور عسکریت پسندوں کے مابین جاری تصادم میں لشکر کمانڈر اور اُس کا ساتھی ہلاک ہوا ہے، جب کہ شروعات میں گولیوں کے تبادلے میں پانچ سیکورٹی فورسز کے اہلکار زخمی ہوئے۔Top LeT Commander Killed In Baramulla.

پولیس کے مطابق اس انکاؤنٹر سائٹ پر ایک 17 سالہ مقامی عسکریت پسند فیصل احمد بھی موجود ہے۔ پولیس نے انکاؤنٹر سائٹ پر مقامی عسکریت پسند کے والد کو لاکر بیٹے سے ہتھیار ڈالنے کی اپیل کی ہے۔

والد لاوڈ اسپیکر پر بیٹے سے ہتھیار ڈالنے کی اپیل کر رہے ہیں کہ" فیصل آپ اس وقت باہر نکل کر ہتھیار پھینک دو اور آپ کے ساتھ کسی طرح کی کوئی زیادتی نہیں کی جائے گی"۔ لیکن بتایا جاتا ہے کہ فیصل نے کوئی معقول جواب نہیں دیا۔ ذرائع کے مطابق فیصل نے کچھ ماہ قبل عسکریت پسندوں کی صفوں میں شمولیت اختیار کی ہے۔