سوپور انکائونٹر ختم، عسکریت پسند ہلاک

شمالی کشمیر کے ضلع بارہمولہ میں واقع سوپور قصبے میں بدھ کی صبح شروع ہوئے انکاؤنٹر میں ایک عسکریت پسند ہلاک ہو گیا ہے۔

علاقے میں عسکریت پسندوں کے چھپے ہونے کے اطلاع کے بعد ضلع کے گنڈ براٹ علاقے کو فوج اور پولیس نے علی الصبح محاصرے میں لے لیا۔

محاصرے کے دوران عسکریت پسند اور حفاظتی اہلکاروں کے مابین تصادم آرائی شروع ہوئی۔

انکاؤنٹر کے اختتام کے بعد ذرائع ابلاغ کے نمائندوں سے بات کرتے ہوئے شمالی کشمیر کے ڈی آئی جی محمد سلیمان نے تصادم میں ایک عسکریت پسند کے ہلاک ہونے کے تصدیق کرتے ہوئے کہا کہ 'ابھی اس کی شناخت ہونا باقی ہے۔'

ان کا مزید کہنا تھا کہ 'جائے تصادم سے ہتھیار بھی برآمد کیے گئے ہیں۔'