سوپور: خستہ حال سڑک اور ڈرینیج سسٹم سے عوام پریشان

شمالی کشمیر کے ضلع بارہمولہ کے سوپور قصبہ کے شیر کالونی کے رہنے والوں کو سڑک کی خستہ حالی اور خراب ڈرینیج سسٹم سے کافی مشکلات کا سامنا کرنا پڑرہا ہے۔

مقامی لوگوں نے انتظامیہ اور محکمۂ آر اینڈ بی پر الزام عائد کیا کہ 'انہوں نے اس علاقے کو نظر انداز کردیا ہے اور اب ہم لوگ اپنے خرچ سے سڑک اور ڈرینیج کو بنانے کی کوشش کررہے ہیں۔
لوگوں نے بتایا کہ 'انہوں نے ضلع انتظامیہ بارہمولہ سے کافی بار التماس کیا کہ اس علاقے میں سڑک کو پختہ بنانے کا کام شروع کیا جائے لیکن بدقسمتی سے اس پر غور نہیں کیا گیا'۔

انہوں نے مزید بتایا کہ 'جب بھی کبھی معمولی بارش ہوتی ہے تو سڑک پر چلنا پھرنا دشوار ہوجاتا ہے کیونکہ ہر جگہ پانی جمع ہوتا ہے۔

ہم انتظامیہ اور ضلع انتظامیہ سے گزارش کرتے ہیں کہ اس علاقے کی طرف توجہ دی جائے تاکہ ہمیں اور زیادہ مشکلات سے دو چار نہ ہونا پڑے۔