اوڑی: ناقص ڈرینیج نظام سے لوگ پریشان

شمالی کشمیر کے ضلع بارہمولہ کے سرحدی قصبہ اوڑی میں پچھلے 4 سالوں سے ڈرینیج نظام ناقص ہونے کی وجہ سے مقامی لوگوں کو کافی پریشانیوں کا سامنا کرنا پڑ رہا ہے۔

مقامی لوگوں کے مطابق میونسپل حکام کی جانب سے ڈرینوں کی صفائی نہیں کی جاتی ہے، جس کی وجہ سے بیشتر مقامات پر نالیاں بند ہوگئی ہیں، اور پھر معمولی بارش کے بعد سڑکوں پر پانی جمع ہو جاتا ہے۔
مقامی لوگوں کا کہنا ہے کہ نالیوں کی بر وقت صفائی نہ ہونے سے بدبو پھیلنے لگتی ہے، جس کی وجہ سے مختلف قسم کی بیماریاں کے پھوٹنے کا بھی خدشہ رہتا ہے۔

لوگوں کی یہ بھی شکایت ہے کہ متعدد مقامات پر نالیوں کے لیے بنائے گئے مین ہول پر ڈھکن بھی نہیں ہے، جس سے حادثہ ہونے کا خدشہ بھی ہے

وہیں مقامی لوگوں نے متعلقہ حکام سے ڈرینیج نظام کو درست کرنے کی درخواست کی ہے۔