بارہمولہ کے ضلع ترقیاتی کمشنر بھوپندر کمار نے آج یہاں ڈاک بنگلو میں ضلع قانونی جائزہ کمیٹی کے اجلاس کی صدارت کی جس کا مقصد مالی سال 2021-22 کی ستمبر کو ختم ہونے والی سہ ماہی کے لیے بینکوں اور دیگر مالیاتی اداروں کی مجموعی کارکردگی کا جائزہ لینا تھا۔
ترقیاتی کمشنر بارہمولہ کی صدارت مالیاتی اداروں کا جائزہ اجلاس اجلاس میں بینکوں اور دیگر مالیاتی اداروں کا ایک جامع اور سیکٹر وار جائزہ لیتے ہوئے، ترقیاتی کمشنر نے ترقیاتی پیشرفت کے اہداف کو حاصل کرنے کے لیے ہم آہنگی کے ساتھ کام کرنے پر زور دیا۔
مالی سال 2021-22 کے سالانہ کریڈٹ پلان کے تحت بینکوں کی کارکردگی کے بارے میں بریفنگ دیتے ہوئے لیڈ بینک مینیجر نے بتایا کہ ACP کے تحت مجموعی آمدنی 3728.97 کروڑ کے ہدف کے مقابلے میں 1321.66 کروڑ رہی۔ انہوں نے بتایا کہ دیگر سیکٹرز کے تحت مجموعی آمدنی 35 فیصد ہے اور ضلع کے تمام بینک ترجیحی شعبے اور معاشرے کے کمزور طبقوں کو قرضوں کے اخراج کو بڑھانے کے لیے اقدامات کر رہے ہیں۔
اس موقع پر ترقیاتی کمشنر کو مدرا لون، پی ایم جے جے بی وائی، پی ایم ایس بی وائی، پی ایم جے ڈی وائی وغیرہ جیسی مختلف اسکیموں کے تحت ہونے والی پیشرفت کے بارے میں بھی آگاہ کیا گیا جبکہ اس دوران ڈی ڈی سی نے متعلقہ حکام کو مزید کام کرنے کی ضرورت پر زور دیا۔ انہوں نے کہا کہ ابھی بھی ایسے بہت علاقے ہیں جن کی نشاندہی نہیں کی گئی۔ اجلاس میں PM-SVANidhi اور MUMKIN اسکیموں کے تحت بینکوں کی کارکردگی پر بھی تبادلہ خیال کیا گیا، جس میں ترقیاتی کمشنر نے بینکوں سے ان معاملات کو خیرخوبی کے ساتھ نپٹانے کا مشورہ دیا۔
یہ بھی پڑھیں:
بارہمولہ: ڈی سی نے کووڈ 19 کے پیش نظر مذہبی رہنماؤں کے ساتھ میٹنگ کی
اس موقع پر بھوپندر کمار نے کہا کہ بارہمولہ ایک بہتر ضلع ہے۔انہوں نے اس طرح کے مزید بیداری کیمپوں کے انعقاد پر زور دیا تاکہ لوگ تمام اسکیموں سے فائدہ اٹھاسکیں جن کا مقصد عام لوگوں کی بھلائی اور بہبود ہے۔ میٹنگ میں جنرل منیجر ڈی آئی سی محمد اسداللہ، ڈسٹرکٹ سوشل ویلفیئر آفیسر شوکت احمد شوکت، اکاؤنٹس آفیسر شوکت علی خان، اسسٹنٹ لیبر کمشنر رابعہ رسول، چیف اینیمل ہسبنڈری آفیسر، لیڈ ڈسٹرکٹ منیجر بارہمولہ جاوید احمد، کلسٹر سربراہان و دیگر نمائندگان نے شرکت کی۔
