بھارتیہ جنتا پارٹی کے سینئر رہنما اور ترجمان غلام محمد میر نے اپنی رہائشی گاہ باکی ہندوارہ میں پیپلز الائنس پر تنقید کا نشانہ بناتے ہوئے کہا کہ ان لوگوں کے پاس رہا ہی کیا ہے جو یہ لوگ ڈی ڈی سی الیکشن میں حصہ لیں گے۔
انہوں صاف کر دیا کہ محبوبہ مفتی، عمر عبداللہ و دیگر سیاسی رہنماؤں نے لوگوں کو صرف استعمال کیا ہے۔ کل تک یہی لوگ انتخابات میں حصہ لینے کے لئے تیار ہی نہیں تھے۔ دفعہ 370 اور 35اے کو واپس لینے کی بڑی بڑی باتیں کرتے تھے اور آج وہی لوگوں نے ڈسٹرکٹ ڈیولپمنٹ کونسل انتخابات میں متحد ہو کر الیکشن لڑنے جا رہے ہیں۔