وادیٔ کشمیر: شدید بارش اور ژالہ باری سے متاثر افراد کی مدد کی جائے: الطاف ملک

اپنی پارٹی کے سینیئر رہنما الطاف ملک نے جموں وکشمیر کے مختلف اضلاع میں شدید ژالہ باری اور طوفانی بارش کے سبب کسانوں اور باغ مالکان کو پہنچنے والے نقصانات کے لیے ضلع انتظامیہ سے مدد کی اپیل کی ہے۔

وادیٔ کشمیر کے مختلف اضلاع میں گزشتہ شام شدید بارش اور ژالہ باری سے میوہ باغات اور کھیتوں کو بہت نقصان پہنچا ہے، جس کے سبب کشمیر کے شمال وجنوب کے کسان و باغ مالکان کافی پریشان ہیں اور بارش کی وجہ سے شمالی کشمیر کے بیشتر علاقوں میں کل شام سے بجلی پوری طرح ٹھپ ہے۔

اس تعلق سے اپنی پارٹی کے سینیئر رہنما الطاف ملک نے گورنر انتظامیہ سے اور ضلع انتظامیہ سے کسانوں کو تمام سہولیات فراہم کرانے کا مطالبہ کیا ہے۔