پٹن میں سڑک حادثہ، دو زخمی

گاڑی پنجاب سے بارہمولہ کی طرف آرہی تھی اور تھکاوٹ کی وجہ سے ڈرئیور نے گاڑی پر قابو کھو دیا جس کے نتیجے میں یہ حادثہ پیش آیا۔

سرینگر بارہمولہ قومی شاہراہ پر پٹن کے قریب ایک مال بردار گاڑی پلٹ کر حادثہ کا شکار ہوئی جس کے نتیجہ میں ڈرائیور اور ایک شخص زخمی ہوا۔ حادثے کے بعد دونوں افراد کو قریب کے اسپتال میں علاج کے لیے پہنچایا گیا۔

ریاست پنجاب سے آنے والی اس گاڑی میں مرغ بھرے ہوئے تھے۔

ایک شخص کا کہنا تھا کہ یے گاڑی پنجاب سے بارہمولہ کی طرف آرہی تھی اور تھکاوٹ کی وجہ سے ڈرئیور نے گاڑی پر قابو کھو دیا جس کے نتیجے میں یہ حادثہ پیش آیا۔ اس گاڑی کے مالک کے مطابق گاڑی میں 1500 سے زائد مرغ ضائع ہوگئے اور انہیں بھاری نقصان سے دوچار ہونا پڑا۔ادھر بارہمولہ پولیس نے معاملہ درج کر کے تحقیقات شروع کر دی ہے۔