بارہمولہ: شمالی کشمیر کے ضلع بارہمولہ کے رفیع آباد میں آج عام آدمی ڈیموکریٹک پارٹی( Aam Aadmi Democratic party ) کی جانب سے ایک کنونشن کا انعقاد کیا گیا۔ اس پارٹی کنونشن میں سوپور، بارہمولہ، رفیع آباد سے وابسطہ پارٹی کے کارکنوں کے ساتھ ساتھ پارٹی کے لیڈروں نے شرکت کی۔ اس کنونشن کے دوران کارکنوں نے کہا کہ ہم اس پارٹی کے ساتھ اس لیے جوڑے ہیں کیونکہ ہم کو امید ہے کہ یہ ہمارے مسلے و مسائل حل کر سکتے ہیں۔
انہوں نے کہا کہ پارٹی کا منشور ہے کہ یہ لوگ نوجوانوں کی ترقی کے لیے کام کرنا چاہتے ہیں کیونکہ آج تک کشمیری نوجوان کو صرف دھوکہ دیا گیا ہے۔ انہوں نے کہا کہ وقت کے حکمرانوں نے کشمیر کے ساتھ کافی استحصال کیا ہے اور تعمیر و ترقی کے نام پر صرف لوگوں کا ووٹ حاصل کیا ہے لیکن ہم کشمیر کے نوجوان کے لئے کام کرنا چاہتے ہیں اور سب سے پہلے ان کے لئے روزگار کے وسائل پیدا کرنا چاہتے ہیں۔ Aam Aadmi Democratic Party Convention
انہوں نے مزید کہا کہ یہ سفر کافی مشکل ہے لیکن ہم دل و جان سے کشمیر کے لیے کام کرنا چاہتے ہیں۔ انہوں نے بتایا کہ کشمیر کی تمام سیاسی تنظیمیں صرف اپنے فائدہ کے لئے کام کرتی ہیں لیکن ہم نے فاصلہ کیا ہے کہ ہم کشمیر میں بےروزگاری ختم کرنے کی حتی الامکان کوشش کریں گے۔ انہوں نے مزید کہا کہ بی جے پی نے کشمیر میں کوئی کام نہیں کیا اور وہ وادی میں ہر سطح پر ناکام ثابت ہوئی ہے۔