اسپتال کا ایکس رے کمرہ مقفل

شمالی ضلع بانڈی پورہ کے حاجن سوناواری میں سب ضلع اسپتال میں ایکسرے مشین میں خرابی کے سبب مریضوں کو مشکلات کا سامنا کرنا پڑ رہا ہے۔

حاجن کے مقامی لوگوں کے مطابق انہیں اکثر و بیشتر نجی اداروں سے ایکسرے اور دیگر ٹیسٹ کرانے پڑتے ہیں جس کے لئے کافی رقومات خرچ کرنی پڑتی ہے۔

مقامی لوگوں نے شکایت کی کہ اسپتال میں ایکسرے مشین کئی دفعہ خراب ہو چکی ہے اور اس بار پھر پچھلے 15 دنوں سے بیکار پڑی ہے جس کی وجہ سے مریضوں اور تیمارداروں کو کافی دقتوں کا سامنا کرنا پڑ رہا ہے۔

انہوں نے متعلقہ حکام سے گزارش کی ہے کہ اسپتال کو نئی اور ڈیجیٹل ایکسرے مشین فراہم کی جائے تاکہ مریضوں کو ایکسرے کے لئے نجی اداروں کا رخ نہ کرنا پڑے۔