بانڈی پورہ: سڑک کی خستہ حالی سے عوام کو مشکلات

بانڈی پورہ کے معروف درگاہ اہم شریف کی جانب جانے والی سڑک انتہائی خستہ حال ہے، زائرین کو کافی مشکلات کا سامنا کرنا پڑرہا ہے۔

بانڈی پورہ کی اہم شریف سڑک کافی خستہ حال ہوچکی ہے سڑک پر بڑے بڑے گڑھے بنے ہوئے ہیں جس کی وجہ سے یہ سڑک تالاب کی طرح نظر آنے لگی ہے۔

سڑک خستہ حال ہونے کی وجہ سے مقامی ٹرانسپورٹرز کے ساتھ ساتھ زائرین کو بھی کافی مشکلات کا سامنا کرنا پڑتا ہیں۔واضح رہے یہ سڑک کافی اہمیت کی حامل ہے کیونکہ یہ راستہ کئی درگاہوں تک جاتا ہے۔

اس راستے پر درگاہ کوثر صاحب ۔ اہم شریف۔استانہ بھٹو ۔ پر ہر روز سیکڑوں عقیدت مندوں کے علاوہ سیاحوں کی بھی بڑی تعداد اس راستے سے گزرتی ہے۔

مقامی لوگوں کا کہنا ہے کہ انتظامیہ جلد سے جلد اس سڑک کی مرمت کرائے اور اسے قابل آمدورفت بنایا جائے۔