شاہد اقبال چودھری کی گریز میں قبائلی طلباء سے ملاقات

سیکریٹری قبائلی امور اور سی ای او مشن یوتھ ڈاکٹر شاہد اقبال چودھری نے شمالی کشمیر کے ضلع بانڈی پورہ کے سرحدی علاقہ گریز کے کئی علاقوں کا دورہ کیا جہاں انہوں نے قبائلی لوگوں، طلباء اور کارکنوں سے ان کو درپیش مسائل پر بات چیت کی۔

ضلع بانڈی پورہ کے گریز کے دو روزہ دورے کے دوران ڈاکٹر شاہد اقبال چودھری نے وادی گریز میں قبائلی طلباء مختلف وفود اور کاکنان سے ملاقات کی اور ان کے مسائل سننے۔

انہوں نے قبائلی طلباء کو درپیش مختلف مسائل بشمول اسکالر شپ، کوچنگ، ​​لائبریری، ویلج لیول فٹ بال کٹس کی تقسیم کاری کو یہاں فراہم کرنے کی یقینی دہانی کی اس کے علاوہ شاہد چودھری نے مریضوں کے بھی مشکلات کو سنے اور یقین دلایا کہ ان کے لیے ہر ممکن اقدامات کیے جائیں گے۔

انہوں نے یقین دلایا کہ ان کے تمام مسائل اور خدشات کو ترجیحی بنیادوں پر حل کیا جائے گا۔

شاہد چودھری نے مختلف وفود اور طلباء کو آگاہ کیا کہ مشن یوتھ کے تحت مختلف اقدامات کئے جارہے ہیں تاکہ آنے والے وقت میں وادی گریز میں رہنے والے طلباء کو بھی ان اقدامات سے فائدہ مل سکے۔