بانڈی پورہ میں نیشنل کانفرنس کے رہنما کے خلاف احتجاج

بانڈی پورہ ضلع کے نائدکھے سوناواری علاقے میں مقامی لوگوں نے سابق وزیر اور نیشنل کانفرنس کے رہنمااکبر لون کے خلاف احتجاج کیا۔

مظاہرہ کرنے والے لوگوں نے اکبر لون پر الزامات عائد کرتے ہوئے کہا کہ انہوں نے علاقے میں اپنے کئی سارے غنڈے رکھے ہوئے ہیں جو دوسری سیاسی جماعتوں سے وابستہ لوگوں کو ہراساں کرتے ہیں اور وہاں غنڈہ گردی کا ماحول بنا کے رکھا ہے۔

نصیر احمد لون نامی جوان کا کہنا تھا کہ اکبر لون نے ان کے گھر پر حملہ کروایا کیونکہ وہ بی جے پی کے ساتھ ہے انہوں نے مطالبہ کیا کہ اکبر لون کے خلاف سخت سے سخت کارروائی کی جانی چاہیے۔