شمالی کشمیر کے ضلع بانڈی پورہ کے حاجن قصبہ کے مقامی لوگوں نے متعلقہ میونسپل کمیٹی کے خلاف سخت ناراضگی کا اظہار کرتے ہوئے کہا کہ وہاں ڈرینیج پر جاری کام کو ادھورا چھوڑ دیا گیا جس سے ان لوگون کو کئی مشکلات کا سامنا کرنا پڑرہا ہے۔
کوچک محلہ حاجن کے مقامی لوگوں نے کہا کہ میونسپل کمیٹی حاجن کی جانب سے یہاں ڈرینیج پر جاری کام کو تکمیل تک نہیں پہنچایا گیا اور مذکورہ محلے میں اس ڈرینیج کی رسائی کو ممکن نہیں بنایا گیا۔
متعلقہ میونسپل کمیٹی کے صدر ڈاکٹر ارشاد نے بتایا کہ اس ڈرینیج پر جو کام کیا گیا ہے وہ الگ الگ حصوں کے طور پر کیا جاتا ہے۔ انہوں نے اس بات کی یقین دہانی کروائی ہیکہ اس ڈرینج کا کام جلد از جلد کیا جائے گا اور اس بارے میں شکایت کی کسی کو گنجائش نہیں رہے گی۔
