بانڈی پورہ: گریز میں چار سے پانچ انچ تک برف باری

ضلع بانڈی پورہ کے گریز کے میدانی علاقوں میں بارش اور شدید سردی کی لہر جاری ہے۔ یہاں چار سے پانچ انچ تک برف باری ہوئی ہے۔

وادی کے دوسرے علاقوں کے ساتھ ساتھ شمالی کشمیر کے ضلع بانڈی پورہ میں بھی جمعہ کی شام سے ہی بارش اور سردی کی لہر کا سلسلہ جاری ہے۔

دریں اثنا سرحدی علاقے گریز میں چار سے پانچ انچ تک برف باری کی اطلاع موصول ہوئی ہے۔ جس کے باعث اس علاقے میں وقت سے پہلے درجہ حرارت میں بہت کمی واقع ہوئی ہے۔

سب ڈسٹرکٹ مجسٹریٹ بانڈی پورہ کی اطلاع کے مطابق رازدان ثاپ پر برف باری کی وجہ سے بانڈی پورہ گریز روڈ پر فی الحال آمد و رفت بند کی گئی ہے جب کہ داور اور تلیل رابطہ روڈ کی صورتحال بھی کچھ اسی طرح کی رہے گی۔