حاجن سوناواری میں بائیکاٹ کی کال کا اثر

ضلع بانڈی پورہ کے حاجن قصبے میں عسکریت پسندوں کی جانب سے دی گئی الیکشن بائیکاٹ کی کال کا کافی اثر دیکھنے کو مل رہا ہے-

کئی ایک پولنگ مراکز میں ووٹنگ نہ ہونے کے برابر دکھائی دے رہے ہیں- حاجن قصبہ کے مین بازار میں جو دو پولنگ مراکز نصب کیے گئے ہیں ان میں اب تک صرف دو ووٹ پڑے ہیں جبکہ پولنگ مرکز کے ارد گرد صرف سیکورٹی فورسز کا عملہ دکھائی دے رہا ہے-

عام لوگ کہیں نظر نہیں آرہے ہیں، یہ علاقہ پورے بانڈی پورہ ضلع میں ایک حساس علاقہ تصور کیا جاتا ہے اور کئی برسوں میں یہاں کافی عسکریت پسند مارے گئے ہیں۔