بانڈی پورہ میں شاہ جیلان کانفرنس

ریاست جموں و کشمیر کے ضلع بانڈی پورہ کے ترگام سوناواری میں کاروان اسلامی انٹرنیشنل کے اہتمام سے بارہویں سالانہ شاہ جیلان کانفرنس منعقد ہوئی جس میں ہزاروں کی تعداد میں عقیدت مندوں نے شرکت کی۔

اس موقع پر کاروان اسلامی سے وابستہ علماء کرام، طلاب علم اور اسکالرز نے تقاریر و مقالات پڑھے اور عالم اسلام میں اس وقت درپیش مسائل پر گفتگو کی۔

صدر کاروان اسلامی مولانا غلام رسول حامی نے مسلمانوں کے اندر اتحاد و اتفاق پر زور دیتے ہوئے شر پسند اور مسلکی منافرت پھیلانے والے عناصر سے باخبر رہنے کی عوام سے تلقین کی۔