بانڈی پورہ: ڈپٹی کمشنر اویس احمد کا سمبل سوناواری دورہ

بانڈی پورہ کے ڈپٹی کمشنر ڈاکٹر اویس احمد نے میڈیا سے گفتگو کرتے ہوئے کہا کہ 'وہ بانڈی پورہ کو نئے بانڈی پورہ کے طور پر دیکھنا چاہتے ہیں۔'

جموں وکشمیر کے ضلع بانڈی پورہ کے ڈپٹی کمشنر ڈاکٹر اویس احمد نے منگل کے روز سمبل سوناواری علاقے کا دورہ کیا اور یہاں جاری ترقیاتی کاموں کا جائزہ لیا۔

سمبل سوناواری علاقے کا دورے کے دوران ڈپٹی کمشنر ڈاکٹر اویس کے ساتھ سمبل تحصیلدار و دیگر کئی افسران بھی موجود رہے۔

اس دوران بانڈی پورہ ڈپٹی کمشنر ڈاکٹر اویس احمد نے سمبل میں جاری کئی ترقیاتی کاموں کا جائزہ لیا اور ان کا معائنہ کرنے کے علاوہ بہتر سے بہتر اور معیاری کام کرنے کا افسران کو مشورہ دیا۔

ڈاکٹر اویس احمد نے میڈیا سے گفتگو کرتے ہوئے کہا کہ 'وہ بانڈی پورہ کو نئے بانڈی پورہ کے طور پر دیکھنا چاہتے ہیں۔'

انہوں نے کہا کہ 'سمبل سوناواری سے لے کر گریز تک جو سڑکیں خستہ حال ہیں ہم کوشش کر رہے ہیں کہ اس سال ان تمام سڑکوں پر تارکول بچھانے کا عمل مکمل کرے تاکہ لوگوں کو آمدو رفت میں پریشانی نہ ہو۔'