تلیل گریز 30 مویشی لائن آف کنٹرول پار

ضلع بانڈی پورہ کے گریز علاقے کے تلیل کے ڈی ڈی سی ممبر راجا اعجاز خان نے پریس کانفرنس کے دوران کہا کہ حال ہی میں اس علاقے کے قریباً تیس مویشی ایل او سی عبور کرکے پاکستان کے زیر انتظام کشمیر چلے گئے ہیں۔

ڈی ڈی سی ممبر تلیل نے لیفٹیننٹ گورنر منوج سنہا سے اپیل کی ہے کہ اس علاقے کے تقربیاً 30مویشی جو ایل او سی کے اس پار چلے گئے ہیں، انہیں واپس لانے میں مدد فراہم کریں۔

انہوں نے مزید کہا کہ یہ مویشی ایسے افراد کے ہیں جو بےحد پسماندہ ہیں۔ان کا کہنا ہے کہ ان میں سے کچھ لوگ مویشیوں کے باعث ہی اپنا روزگار چلاتے ہیں۔

انہوں نے لیفٹیننٹ گورنر انتظامیہ سے اپیل کی ہے کہ وہ یہ مویشی واپس لانے میں اپنا تعاون فراہم کرئے۔