اورنگ آباد: استعمال شدہ سرجیکل گلوز کی کالابازاری کا پردہ فاش

ریاست مہاراشٹر کے اورنگ آباد شہر میں استعمال شدہ سرجیکل گلوز کی کالابازاری کا پردہ فاش پولیس نے کیا۔ کرائم برانچ نے ایم آئی ڈی سی والوج علاقے میں چھاپہ مار کر 19 ٹن استعمال شدہ سرجیکل گلوز ضبط کیے ہیں۔ یہ کاروائی ممبئی کرائم برانچ کے اشتراک سے کی گئی ہے۔

ممبئی کرائم برانچ کی کارروائی میں استعمال شدہ سرجیکل گلوز کی کالا بازاری کا پردہ فاش ہوا ہے۔ کالابازاری کے اس کاروبار کے تار مہاراشٹر کے اورنگ آباد سے بھی جڑے ہیں۔ پولیس کی کارروائی میں یہ بھی انکشاف ہوا، جس کے بعد لوکل کرائم برانچ نے ممبئی پولیس کے تعاون سے اورنگ آباد ایم آئی ڈی سی والوج کے ایک گوڈاؤن پر چھاپہ مار کر وہاں سے انیس ٹن کا مال کے استعمال شدہ سرجیکل گلوز برآمد کیا ہے۔

پولیس نے اس معاملے میں ایک ملزم کو بھی گرفتار کیا ہے، جس کا تعلق مالیگاؤں سے بتایا جاتا ہے۔ پولیس کا الزام ہے کہ یہ سرجیکل گلوز دوبارہ قابل استعمال بنائے جا رہے تھے۔ اس معاملے کی مزید جانچ پولیس کر رہی ہے۔