پی ایم کیئر کے ایک سو پچاس وینٹی لیٹر پوری طرح ناکارہ ثابت ہوئے

ریاست مہاراشٹر کے اورنگ آباد میں ضلع کلکٹر دفتر میں منعقد کورونا جائزہ میٹنگ میں مجلس اتحاد المسلمین کے رکن پارلیمان سید امتیاز جلیل نے پی ایم کیئر کے ایک سو پچاس وینٹی لیٹر کو پوری طرح ناکارہ ثابت بتایا ہے۔ ایم پی جلیل نے ڈیڑھ سو وینٹی لیٹر روانہ کرنے والوں کی جانچ کا مطالبہ کیا۔

پرائم منسٹر کیئر فنڈ سے جو ایک سو پچاس وینٹی لیٹر اورنگ آباد کو موصول ہوئے ہیں، وہ بالکل ناکارہ ہیں۔ کوئی مصرف کے لائق نہیں ہے اور اعلی افسران نے باضابطہ اس بات کی تصدیق کی ہے۔ اس لیے اس پورے معاملے کی اعلی سطح پر جانچ ہونی چاہئے۔ اس طرح کا مطالبہ اورنگ آباد سے ایم آئی ایم کے رکن پارلیمان امتیاز جلیل نے کیا۔

وہ ضلع کلکٹر آفس میں منعقد کورونا جائزہ میٹنگ میں شرکت کے بعد میڈیا نمائندوں سے بات چیت کر رہے تھے۔ ایم پی جلیل نے کہا کہ مرکز کی جانب سے پی ایم کیئر کے نام پر ناکارہ وینٹی لیٹر کس نے بھیجے۔ اس کی اعلی سطح کی جانچ ہونی چاہیئے ۔