ریاست مہاراشٹر کے ضلع اورنگ آباد میں سچن وازے کیس میں ملوث کار کے تعلق سے این آئی اے کے جانچ میں ممبئی کی میٹھی دریا سے برآمد کار کی نمبر پلیٹ پر اورنگ آباد کی پاسنگ ہے، MH-20- FP-1539 ، یہ کار جالنہ کے سماج کلیان آفس میں کلرک کی حیثیت سے ملازم وجے مدھوکر ناڑے کی ہے، جو سنہ 2020 دسمبر میں اورنگ آباد سے چوری ہوئی تھی۔
یہ گاڑی اورنگ آباد شہر کے ہڈکو این بارہ کے ساکن وجئے مدھوکر ناڑے کی بتائی جاتی ہے، وجئے ناڑے فی الحال جالنہ کے سماج کلیان آفس میں کلرک کی حیثیت سے ملازم ہیں، ناڑے سے رابطہ کرنے پر وجے ناڑے نے بتایا کہ' ان کی گاڑی 16نومبر سنہ 2020 میں چوری ہوئی تھی اور اس سے متعلق سے انہوں نے باضابطہ سٹی چوک پولیس اسٹیشن میں شکایت درج کرائی تھی۔
واضح رہے کہ ممبئی پولیس محکمہ میں انکاؤنٹر اسپیشلسٹ کی حیثیت سے شہرت پانے والے اے پی آئی سچن وازے فی الحال معروف صنعتکار مکیش امبانی کے بنگلے کے قریب دھماکہ خیز کار کھڑی کرنے کے معاملے میں این آئی اے کی تحویل میں ہیں۔
اب یہ کار ممبئی کیسے پہنچی کس کے استعمال میں رہی اور ملزمین و مقتول کا اس کار سے کیا تعلق ہے اس بات کا پتہ لگایا جارہا ہے۔