باغی رہنما نے کانگریس بھون سے کرسیاں واپس لیں

ریاست مہاراشٹر میں کانگریس کے ناراض رکن اسمبلی عبدالستار نے شاہ گنج میں کانگریس بھون کے دفتر میں جو کرسیاں دی تھیں، وہ تمام کرسیاں واپس لے لی ہیں۔

عبدالستار نے سنہ 2008 میں کانگریس بھون میں 300 کرسیاں دی تھیں۔

عبدالستار نے پارٹی سے استعفیٰ دینے کے بعد ہیڈ آفس سے کرسیاں واپس لے لی جس کی وجہ سے کانگریس کے اراکین کو نیشلسٹ کانگریس پارٹی کے دفتر میں میٹنگ منعقد کرنا پڑ رہا ہے۔

کانگریس کی طرف سے رکن اسمبلی سبھاش جھامبڑ کو لوک سبھا کا امیدوار بنایا گیا ہے۔

اس اعلان کے بعد کانگریس کے رکن اسمبلی اور ضلع کے صدر عبدالستار نے پارٹی کے تمام عہدوں سے استعفیٰ دے دیا ہے اور آزاد امیدوار کے طور پر انتخاب لڑنے کا اعلان کیا ہے۔