اورنگ آباد میں بلیک فنگس سے 16 افراد کی موت

ریاست مہاراشٹر کے ضلع اورنگ آباد میں بلیک فنگس سے 16 افراد کی موت ہو گئی ہے۔ اورنگ آباد میونسپل کارپوریشن شعبہ ہیلتھ کی ڈاکٹر نے بتایا کہ کورونا سے متاثرہ شوگر کے مریضوں کو بلیک فنگس کا زیادہ خطرہ ہو رہا ہے۔ بروقت طبی امداد سے بلیک فنگس کے مریضوں کو بچایا جاسکتا ہے۔

کورونا سے متاثرہ افراد میں بلیک فنگس کی علامات پائی جارہی ہیں، اب تک اورنگ آباد شہر میں بلیک فنگس سے 16 افراد کی موت ہوئی ہے۔

اس بات کی جانکاری میونسپل کارپوریشن کے شعبہ ہیلتھ کی انچارج ڈاکٹر نتیا پاڈلکر نے دی ہے۔

ڈاکٹر پاڈلکر کا کہنا ہے کہ ایسے کورونا کے مریض جنہیں شوگر بھی ہو، ایسے مریضوں کو بلیک فنگس کا زیادہ خطرہ لاحق رہتا ہے۔ ہوا کے ذریعے بلیک فنگس کے جراثیم پیٹ میں چلے جاتے ہیں۔

اورنگ آباد میں اپریل کے مہینے سے اب تک 200 کے قریب کورونا کے مریض بلیک فنگس سے متاثرہ پائے گئے لیکن اطمینان کی بات یہ ہے کہ مرنے والوں کی تعداد بہت کم ہے۔

طبی ماہرین کے مطابق بروقت طبی امداد سے اس مرض پر قابو پایا جاسکتا ہے۔